Lulet ne Kopshtin e Nena XHENIT

Si e diele pasdite qe eshte sot, dhe nje dite me mot te mrekullueshem, mendova t’ua zbukuroj pasditen me lulet, qe rendom gjenden ne kopshtin e Nena Xhenit. Aq e apasionuar eshte ajo pas luleve sa kudo qe ka shkuar, qofte edhe per nje vizite te gjate, e mbush vendin me lule natyrale. Nje gje e tille ndodhi me vellezerit e mi qe jetojne ne nje vend te larget dhe qe pas largimit te saj vazhdojne te kene nje ballkon te mbushur me lule te mrekullueshme. Fqinjet e tyre sa here kalojne aty iu bejne komplimente per lulet e bukura, madje ata siper tyre kane filluar te lulezojne ballkonet. Duke shpresuar se edhe ju te dashur miq do frymezoheni sadopak per te shtuar nje dekorim te vecante dhe shume te bukur ne shtepite tuaja, po vijoj me disa nga lulet ne kopshtin e Nena Xhenit.

Kjo mellage roze eshte nje nga lulet me te preferuar te Nena Xhenit. Lulezon ne fillim te vitit dhe ka aftesine te riperterihet cdo vit vetvetiu.
Primulat, lulet e para sezonale qe lulezojne edhe ne dimer. Nena Xheni blen cdo nentor primula me ngjyra te ndryshme. Kete vit ne vecanti primulat jane bere shume te bukura.
Kjo eshte primula e verdhe, qe e keni pare te video e artikullit “Si te Sjellim Pranvere ne Shtepi”. Shikoni sa eshte rritur e zbukuruar qe atehere.
Vjollcat jane nje tjeter dashuri e Nena Xhenit. I preferon ne te gjitha madhesite (e lules) dhe me arome. Kur te blini vjollca, sigurohuni te kene aromen karakteristike, qe do iu kenaqe shpirtin kur te qendroni prane tyre.
Vjollca me lule te madhe dhe me arome.
Vjollce me madhesi mesatare me tre ngjyra dhe me arome.
Manushaqja e eger, lulja e pare e pranveres, qe del ne ane te perrenjve. Kjo lule eshte nje nga dashurite e Nena Xhenit dhe e ruan me kujdes gjate gjithe stines se nxehte, pasi ajo cel njekohesisht me ditelindjen e mbeses se saj. Kjo foto nuk eshte pamja me e mire e saj, pasi eshte drejt fundit te lulezimit.
Ciklamini, nje tjeter lule dimerore, qe nuk mungon asnje vit ne kopshtin e Nena Xhenit.
Lulja e bletes, nje lule shume rezistente dhe me arome te mrekullueshme mjalti. Kur ta shtoni ne ballkonin tuaj, do ndjeni aromen e embel sa here t’i qendroni prane.
Karafili i verdhe me lule te madhe dhe me arome te mrekullueshme. Karafilat e vendit jane nje tjeter bime shumevjecare, qe nuk mungojne asnjehere ne kopshtin e Nena Xhenit.
Kamelja e bardhe, nje peme qe lulezon ne dimer. Kete vit per cudi ka lulezuar ne fillim te shkurtit dhe vijon te jete ende e lulezuar. E vecante per lulen e saj shume te bukur dhe delikate.
Margarita, nje tjeter lule e mrekullueshme dhe qe lulezon gjate.
Limoni shtateheresh, nje nga krenarite e Nena Xhenit. Ky limon piqet vone dhe sic e shihni ka ende fryte ne dege.

Keto ishin lulet qe zgjodha te ndaj me ju sot nga kopshti i Nena Xhenit. Shpresoj qe t’ua kem hijeshuar sadopak diten tuaj dhe ju ftoj te merrni lule natyrale ne shtepite tuaja, si nje aktivitet antistres, shume i mire per te edukuar femijet dhe nje menyre aspak e shtrenjte per te dekoruar ambjentet e brendshme dhe te jashtme te shtepise tuaj.

Nese mendoni se ky artikull eshte interesant dhe i dobishem, lutemi ta Pelqeni dhe Ndani me miqte dhe ndjekesit tuaj ne rrjetet sociale.

Na ndiqni ne mediat sociale: Instagram, You Tube, Facebook, Twitter, LinkedIn.

Leave a Reply

This site uses Akismet to reduce spam. Learn how your comment data is processed.